Xa está confirmado o programa definitivo do I Foro Anual RIS3 de Galicia e Norte de Portugal no que se presentará o proceso participativo de elaboración da Estratexia de Especialización Intelixente RIS3 conxunta para a Eurorrexión e ao que asistirán máis de 180 axentes do sistema de innovación de Galicia e da rexión Norte de Portugal.

O conselleiro de Economía e Industria, Francisco Conde, e o presidente da Comissao de Coordinaçao e Desenvolvimento Regional do Norte (CCDRN), Emidio Gomes, serán os encargados de inaugurar o encontro. Posteriormente, presentaranse o marco de cooperación e financiamento desta cooperación transfronteiriza no ámbito da innovación, a cargo dun representante da Unidade de Cooperaçao Transfronteiriça do CCDRN e do subdirector xeral de Acción Exterior e Cooperación Transfronteiriza da Xunta de Galicia respectivamente.

A continuación, un representante da Plataforma S3 da Comisión Europea e o presidente da Agência Nacional de Inovaçao de Portugal falarán sobre as oportunidades de cooperación efectiva en innovación a través dunha RIS3 conxunta para a Eurorrexión e Manuel Varela, director de GAIN, e o director dos Serviços de Desenvolvimento Regional do CCDRN exporán os pasos dados na elaboración desa RIS3 conxunta.

Si desea acceder al programa, puede consultarlo en el siguiente enlace.